PAISAIA IDEIA GISA proiektuak eta proiekzioak / 1960-1980

1, 2, 3, RODANDO…

Koldo Mitxelenako erakusketari helduz, Gerry Schumi otu zitzaion zortzi bideoak egitearen ideia oso aurrerakoia iruditzen zait. Gerry Schum-ek momento hartan eskuragarri zuen neurri teknologiko batez, telebistaz alegia, baliatu zen artea publiko hetereogeneo eta zabal bati ailegatuarazteko. Beste era batera esanda, bere asmoa artea jabetza pribatuaren eremutik ateratzea zen (bildumagileak, galeriak, museoak…), bere izaera elitista desagerraraztean gizartearen zati zabal baten zerbitzuan jarriz.

Nire ustez, Gerry Schumen ideologia, gaur egun baliagarria eta aplikagarria da, bai arte esparruan baita arkitektura arloan ere. Izan ere, eskura ditugun baliabide teknologikoak lanerako erabiltzeaz gain, beste arteekiko interesa pizteko erabiltzea ondo legoke.

LAND ARTari BURUZKO GOGOETA

Artearen historian paisaia era ezberdinetan irudikatu da; arte klasikoan edertasunaren ideal poetikoa bilatzen zuten, inpresionismoan modu zientifikoago batean errepresentatzen zuten argia, iraupen industrialaren ostean makina protagonista bilakatzen da eta abangoardiak naturarekiko kezka galdu egiten dute…

60ko hamarkadako aldaketa ideologikoekin batera (Vietnameko guda eta antimilitarismoa; abortoa eta feminismoa, ekologia…) artearen merkatuarekin haustea eta gizarte mugimenduak artean isladatzea nahi duten artisten generazioa agertzen da. Land art-ak paisaiako esparruak artelanak bihurtzen ditu jatorrizko egoeraren gaineko interbentzio baten ostean.

Gaur egun, aldiz, erabat digitalizatu eta industrializatua dagoen gizarte batean bizi gara (industrial art delakoa land art-a gainditu duela esango nuke) eta naturarekiko errespetuaren gaineko kontsientzia ezarri nahi bada ere, askotan ez zaio behar bezalako garrantzia ematen.

Aurten Urdaibain arituko garela ikusita, topografia eta ura garrantzia handikoak diren inguruan hain zuzen ere, paisaia eragingo duten eraikinak proiektatzerako orduan, land art-aren influentziak egoki datorkigula uste dut.

IKASTURTE BERRIA, ERRONKA BERRIAK

“Quiero creer que voy a mirar este nuevo año como si fuese la primera vez que desfilan 365 días ante mis ojos.” (Paulo Coelho)

Udazkenarekin batera kurtso berria hasi da eta aldaketa etengabeak pairatzen dituen inguru batean murgildu beharra daukagu geure burua: Urdaibain. Oso erakargarria suertatzen zait eremu aldakor batean lan egitea, baita bi “kostaldeen” arteko erlazio bisualak lantzea ere.

Ikasketen bidearen erdia jada ibilita daukagu eta estilo pertsonala eta ikuspuntu propio eta subjektiboak nahiko barneratuak ditugula iruditzen zait. Hori dela eta, nire helburuetako bat neure buruari nahigabe ezartzen dizkiodan mugak gainditzea da; proiektatzeko tresna ezberdinak erabiltzen ikasiz eta proiektatzeko prozesu egokia bideratuz.

Horretarako, bloga eratzea oso baliagarria izan daitekeela uste dut. Izan ere, klasekideok proiektatzen gauden bitartean, webgunea berritu beharra oso didaktikoa ematen du, bloga ikusten duenak inspirazio iturri bezala ulertu dezakeelako.