BAIONA. Arsenalaren antolamendua, Bizitegi eraikinaren garapena

BAIONA. Arsenalaren antolamendua, Niveko kampusaren handitzea.

Proiektu hau aurrera eramateko, lehenengo hiri guztiaren azterketa egin genuen, bereziki hiri barnean gertatzen diren fluxu desberdinena.

Behin hori eginda bigarren pausoa gure gunera hurbiltzea izan da. Eremu hau kanpusaren eta hiriaren parte izango da eta hau hartu dugu kontutan orube kaotiko eta zentzugabeari orden bat emateko. Gainera, Baionan ikusi ditugun hainbat traza eta irudi hartu ditugu kontutan gure eraikinak diseinatzeko jarraibideak sortzeko.

 

Aurreko azterlanen emaitza urrengoa izan da. Oinarrian orubearen zirkulazioetan jarri dugu arreta, batez ere oinezkoen zirkulazioan eta oinezkoentzako espazio publikoan. Espazio publiko jarraia sortuko dugu espazioan ibaiaren kotatik gaur eguneko kalearen kotara ailegatuko da eta aurretik egon ziren eraikinen aztarnak kanpora aterako dira. Planteamenduan ardatz nagusi bat dago orubea zeharkatzen duena eta gainontzeko bideak inguruko espazioekin lotura indartuko dute, batez ere kanpuseko gainontzeko eraikinekin. Lotura hori indartzeko kanal bat irekiko da, lotu nahi ditugun espazioak lotuko dituena. Gainera, kanala unibertsitateko negutegia ureztatzeko sistema baten parte izango da.

 

Eraikinak bi unibertsitate eta bi egoitza dira. Unibertsitateak aurretik aipatutako kale nagusia azpimarratu egingo du egoitzak ordea hiriaren eskalara eta itxurara moldatuko dira, Baionaren hiri sarea eta fatxadari erantzun egingo diotenak izango dira.

Défenseurs contre attaquants

PROIEKTUA

Hizpide dugun kokagunea, Reduit plaza hain zuzen ere, toki estrategiko eta garrantzitsua izan da beti Baiona hiriaren defentsa sisteman. Izan ere,Nive eta Adour ibaiak elkartzen diren puntuan kokatzen da.

Sèbastien Le Preste de Vauban-en memoriala gauzatzearekin batera lekuaren berregituraketa proposatzen da.

3300 m2 eta geometria irregularra duen gune berezi honek, beraz, Vauban-en memoriala, turismo informaziorako bulegoa, kafetegia eta komun publikoak jasoko ditu.

ANTOLAKUNTZA

Espazio publiko baten plangintza izanik, Baionako espazio publiko eraiki eta libreen sarean integratu beharreko proiektua bilakatzen da.

Hori dela eta, planteamenduan proposatzen diren hiru ibilbideak eta hiri sarea uztartzea izan da plangintzaren helburuetako bat.

Horretarako, espazio berde, pabimentu esberdinak eta arrapalak erabili dira proposamenaren ibilbideak eta jende fluxuak batzeko, hau da, jendea norabideratzeko.

IDEIA

Hariari eutsiz, esan beharra dago honako hauek direla proiektuaren oinarrizko funtsak edo xede ideologikoak.

Abstrakzio prozesu baten ostean, gotorlekuen oinarrizko kontzeptuez baliatuz gauzatu da proposamenaren irudiaren funtsa. Izan ere, defentsarako eta estrategikoa den sistema izanda, tokian jatorriz bi parte hartzaile daudela kontsidera daiteke.

Gauzak horrela, proiektuak lekuaren erabiltzaileak jatorrizko pertsonaien moduan sentiaraztea du helburu. Beste era batera esanda, jende fluxuak bi ibilbide bereizietara norabiderazten dira, pertsonak jatorrizko bi ekintzaileen gisara sentiarazteko: erasotzaileak edo defentsoreak alegia.

Défenseurs contre attaquants

Beraz, gotorlekuen osagaiak ziren adarbea eta fosoa oinarria duten espazioak eraiki dira. Fosoan erasotzaileak harrapatua eta inguratua sentitzen den bitartean, adarbean kontrola eta menpekotasun sentipenak somatuko lirateke.

Honako hau izango litzateke "antzerki" horren ibilbide ezberdinen irudia.

ERASOTZAILEAREN IBILBIDEAren ARDATZAK

Erasotzaileari gotorlekua iragan beharreko sentipena sortarazteko, argia ardatza duen ibilbidea planteatzen da, labirinto modukoa.

Hori horrela delarik, jatorrizko pareten norabidea eta leihoena ardatz gisa jorratu dira. Horrela, azkeneko emaitza argia norabideratzen dituen bide multzoa da.

EKIALDEKO FATXADA

LUZETARAKO EBAKETA

ZEHARKAKO EBAKETA

PROGRAMA eta BANAKETA

MAKETA

2011-2012

Pasaden urteko lanen blog-a jarraituz hemen ekingo diot neure 2011/2012 kurtsoko Proiektuak IV ikasgaiaren lanen aurkezpenari. 

Kurtso berria hasi da, baina ibilia daukagun bidean izandako helburuak mantentzen dira; muga berriak gainditzea eta proiektatzeko eta diseinurako tresna berriak ikastea hain zuzen ere.

Aurreko kurtsoan aipatutako esaldia errepikatuz:

“Quiero creer que voy a mirar este nuevo año como si fuese la primera vez que desfilan 365 días ante mis ojos.” (Paulo Coelho)

ERAKUSKETARAKO eta ARGITALPENERAKO PANELAK

Isla Bekoa _ Kooperatibaren gauzatzea

PANELA:

ANTOLAKETA:

Hasierako proposamena Islarentzako kooperatibaren gautzatzea bazen ere, eskala handiago baterako erantzuna emateko nahia izan dugu. Inguruko ezaugarriak kontuan hartuz, funtzionamendu eskema bat gauzatu dugu, baldintzak hurrengoak direlarik:

Nukleo finko bakoitzean ekintza nagusi bat finkatzea eta horri zerbitzu emanez, inguruko guneak antolatzea.

 

Gaur eguneko etxebizitza egoerari ere erantzuna eman nahiko genioke.
Gure kasuan hurrengoa betetzea eskatu diogu:
kooperatiba barnean tipologia desberdineko etxebizitzak proposatu ditugu, "reinsercion social-ekoak" deitzen ditugunak gazteentzako, bikoteentzako,.. eta abar.

Gune zentralean erabilera publikoa eta etxebizitzakoa (pribatuagoa) dena, bateratu ditugu inguruko baserrietan eta atxikietan, etxebizitzak proposatuko lirateke, urdaibaiko eskalaraino heldu arte. Auzolagun bilketa bakoitzean, gune bateragarri bat egonik, inguruko baserriek, kasuan kasuko jarduerak bideragarri egingo zutelarik.

Bestetik, kanpoko jendea erakartzeko funtzio bat proposatuko da, Islako gunean, jatetxea proposatzen da, ardien kooperatibaren arloa sustatzeko eta horretarako hiltegi bat gauzatuz.

Azkenik katalizadorea bideratzeko komunikazio eta espazio publiko egokia bilatzen da, bertako izaerari erantzun beharko liokeena. erabilera urbanoarekin harremanetan jartzerakoan, izaera bateko espazio publikoa proposatzean dugu eta gune ruralago batean espaziogune irekiagoa eta proposamen berriak sortzea, hala nola, baserritarrak harremanetan jartzeko kutxakoak.

ESPAZIO PUBLIKOA: 

Espazio publikoaren kutxatxoen artean ierarkia bat nabarmentzen da, batzuk funtzio bat betetzen dute kooperatibaren barne, hala nola biltegi edo elkartruke kutxak. Hauek desberdintzen dira besteengandik itxiak direlako, espazio publiko eta aisialdiaren parte direnak berriz, plataforma eta eserleku batez osaturik daude, eta inguruko ikuspegietara orientaturik kokatzen dira.

Kutxek ibilbide bat markatzen dute eraikinerantz, espazio publikoa eta pribatuaren sarrera ezberdinak markatuz, funtzioen arabera.

Hurrengo diagraman ikus daiteke espazio ezberdinak duten garrantzia funtzioaren arabera eta bertan emango liratekeen komunikazionagusiak. 

ERAIKINA ETA ESPAZIO PUBLIKOAREN ARTEKO KOMUNIKAZIOAK:

Komunikazioak arrapalen bidez gauzatzen dira, eta ibilbide ezberdinak daude aipatutako pribatutasunaren arabera.
Ardiek berebiziko garrantzia dute antolaketan, bere inguruan gertatzen baitira kooperatibaren jarduera nagusiak eta kutxen eta espazioen loturan ardatz garrantzitsu bat markatzen dute.

ASANBLADA ERAIKINA:

Eraikinaren birmoldaketan barnekaldea hustu eta estalkia kendu egin zaio programa berri bat planteatuz.
Alde batetik estantzia publikoak egongo dira; jatetxea, erakusketa gunea, aretoa, asanbaldarako gunea eta bulegoak.
Beste alde batetik gune pribatuak egongo dira, etxebizitzak eta gune pribatuak baina gune publikoen zerbitzurako direnak; sukaldea, hiltegia.

Isla behekoaren asanbladako ibilbideak solairuka from Erika Bugallo on Vimeo.

 

ERAIKUNTZA SISTEMA:

Baserri zaharra izanda, horma zurruntzeko beharra ikusi da barnekaldea hustutzerako orduan, harrizko horma hormigoizko kaltza batzuez inguratuz. Eraikinaren atxiki berriak hormigoizko zimentazioa eukiko dute eta erdi lurperaturik dauden espazioak hormigoizko gorputza izango dute baita ere.

Goiko bolumenetan, "Platform sistem" erabiltzen da zur laminatuzko modulo guztiak egiteko. Egitura nagusi bat dago zur xafaltuaz eginikoa tarteak 5 edo 3 metrokoak izanik eta horri bigarren mailako egitura bat atxikitzen zaio. Modulo eta blokeen muntaia erraza da. Platform frame-eko bloketxoen loturak tirafondoen bidez egiten dira eta pieza aurrefabrikatuak erabiltzen dira. Egitura eta kanpoko estaldurak maila berean gelditzen dira, isolamendua tartekatzen delarik igokari eta langeten artean aprobetxatuz egurra isolatzaile ona dela. Plano horizontaleko eta bertikaleko isolamendua bat egiten dute habexkak apoilatzen diren gunean.

IZAERA BIOKLIMATIKOA:

Estrategia bioklimatikoak erabiltzen dira eguzkiaren aprobetxamenduaz eta bentilazioaren auzia kontutan hartuta. Inertzia termikoa lortzeko asmoz, bi sistema erabiltzen ditugu: alde batetik, polikarbonatozko itxiturak, eguzkiaren kaptazioa lortzen du, neguan beroa pilatuz " negutegi efektua". Udan, berriz, egitura motorizatu batzuekin, polikarbonatuzko xaflak irekiko dira aire korronteak eraginez "tximinia efektua". Estalki honek, barneko banaketari erantzuten dio, jatetxeari onurak ekarriz, ura eta klimarekiko babesa lortuz.

JATETXEA:

Eraikinaren gune garrantzitsuenetakoa jatetxea da, Islako produktoak sortzeari eta erabiltzeari indarra gehitzen diona. Bertan aukera dezakezu zein ardiko produktoak kontsumitu eta bertan prestatuko dizute. Baina aukera dago ardia ez hiltzeko eta apadrinatzea, bere produktuak lortuz trukean (esnea, gazta, yogurrak,..).

 

Jatetxea ardiekin kontaktua bilatzen du, kanpoko lurmaila baino beherago kokatua dagoelarik, mahaia kota berean geratzen da eta ikuspegia zuzenean kanpo belar eta ardiekin topo egiten du.

  

ESPAZIO PUBLIKOAREN SENTSAZIOA: